Ўзбекистон миллий телерадиокомпанияси ОЧЛ ўйинларини Ўзбекистон ҳудудида намойиш қилиш ҳуқуқини қўлга киритди.
Фото: «Насаф»
Телеканал бош директори Зоҳид Каримов Осиё Чемпионлар лигаси трансляцияси ҳуқуқи эгаси саналувчи ташкилот билан бу борада келишувга эришилганини эълон қилди.
Унга кўра, ОЧЛда иштирок этувчи Ўзбекистоннинг 4 клуби ўйинлари МТРК орқали намойиш этилади. Шу билан бирга МТРК бу жамоаларнинг Ўзбекистондаги ўйинларини трансляциясини ушбу ташкилотчи компанияга бепул етказиб бериши талаб этилган.
Қайд этилишича, бугунги 3 ўйин ҳам телеканал орқали намойиш этилади:
- 21:00 «Ал-Иттиҳод» - ОКМК. Live
- 21:00 «Ал-Файсали» - «Насаф». Live
- 23:00 «Ал-Ҳилол» - «Навбаҳор». Live
