Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Ўзбекистон | 23:10 / 03.10.2023
    8820
    2 дақиқада ўқилади

    IMEI-кодни рўйхатдан ўтказиш соддалаштирилиши мумкин 

    Рақамли технологиялар вазирлиги Ўзбекистонда IMEI-кодни рўйхатдан ўтказишни соддалаштириш бўйича қарор лойиҳасини ҳукуматга киритган. 

    Фото: Getty Images

    Ўзбекистонда IMEI-кодни рўйхатдан ўтказиш соддалаштирилиши мумкин. Хусусан, хориждан келганлар учун IMEI-кодни рўйхатдан ўтказиш муддатини узайтириш режалаштирилмоқда. Тегишли қарор лойиҳасини Рақамли технологиялар вазирлиги ҳукуматга киритган. 

    «Тегишли вазирликлар билан келишган қарор лойиҳаси ҳозир ҳукуматда турибди. Ўзгаришларнинг ҳаммасини санаб ўтмайман, битта-иккитасини санаб ўтаман. Масалан, чет элдан келган фуқаролар SIM-картаси 30 кунда ўчиб қоларди, ўша муддат узайтириляпти», деди вазирликнинг Телекоммуникация инфратузилмасини ривожлантириш бошқармаси бошлиғи Муроджон Йўлдошев. 

    Унинг сўзларига кўра, FaceID технологияси орқали IMEI-кодни рўйхатдан ўтказиш имкониятини яратиш ҳам режалаштирилмоқда. 

    Ўзбекистонда 2019 йил апрелидан буён мобил қурилмаларни IMEI-код орқали мажбурий рўйхатдан ўтказиш тизими ишламоқда. 2019 йил 1 декабрдан буён тизим пуллик ҳисобланади. 

    Қоидага кўра, Ўзбекистон ҳудудига кирган шахслар ўз мобил қурилмаларини IMEI-код орқали рўйхатдан ўтказиши шарт. Бунинг учун 30 кун мухлат берилади. Муддат тугагач, қурилма эгаси ундан фойдалана олмайди. 

    #Мобил технологиялар #IMEI-код