«Ўзбекистон темирйўллари» чипта чайқовчилари қандай схемадан фойдаланишини тушунтирди

Қайд қилинишича, чайқовчилар «чипталар арзонлигидан фойдаланиб», уларни сотиб олиб, поезд жўнашидан олдин одамларга қайта сотмоқда.

Темирйўл чипталари шунчалик арзонки, чайқовчилар уларни сотиб олиб, поезд жўнашидан олдин одамларга қайта сотади. Бу ҳақда «Ўзбекистон темирйўллари» бошқаруви раисининг биринчи ўринбосари Ҳикматилла Раҳметов ОАВ ходимлари билан бўлиб ўтган учрашувда айтди.

«Чипталар шунчалик арзонки, чайқовчилар уларни сотиб олиб, поезд жўнашидан олдин одамларга қайта сотадилар. Агар чипта сотилмаса, улар 15 минг сўм жарима тўлаб, уни кассага топширади. Агар улар чиптани қайта сотадиган одамни топса, 100 минг, 150 минг сўм даромад олади», деди Ҳикматилла Раҳметов.

Унинг қўшимча қилишича, «битта паспорт – битта чипта» тамойили кассаларда чипта йўқлигига қарши курашишда ёрдам беради.

Шу билан бирга, «Ўзбекистон темирйўллари» саёҳат сифати ва қулайлигини яхшилаш учун янги поездларни сотиб олиш режаларини ҳам эълон қилди. Таъкидланишича, яқин келажакда Hyundai Rotem ва Šкода Transportation томонидан ишлаб чиқарилган 30 та тезкор электр поездни сотиб олиш режалаштирилган.