Пахта тўқимачилик кластерлари диққатига: жин ва линтер диск арралари хариди янада осонлашди!

Бугунги кунда кўплаб пахта тўқимачилик кластерлари жин ва линтер ускуналари учун керакли аррали дискларни катта маблағлар эвазига хориждан олиб келишлари ва бунинг натижасида ушбу эҳтиёт қисмлар учун катта миқдордаги пул маблағлари сарфланишини таъкидлашади. Бироқ юртимизда ҳам юқори технологиялар асосида ишлаб чиқариладиган дискли арралар бемалол чет эл  арралари билан тенглаша олади ва ушбу маҳсулотларни керакли миқдорда харид қилиш мумкин.

Бугунги кунда Тошкент шаҳри Бектемир туманида жойлашган корхона Хитойнинг технологик ускуналаридан фойдаланган ҳолда тегишли сертификатларга эга сифатли жин ва линтер арраларини ишлаб чиқармоқда.

Корхона 2017 йилнинг март ойида Президентимизнинг Тошкент вилоятига уюштирган ташрифи давомида берган топшириғига асосан, вилоятда маҳаллийлаштириш дастурлари асосида янги иш ўринларини ташкил этиш бўйича ишга туширилган. Корхонани тўлиқ қувват билан ишлатиш натижасида 20 дан ортиқ янги иш ўринлари яратилган. Айни дамда корхона иш ҳажмини ошириш орқали янада кўплаб мутахассисларни иш билан таъминлашни мақсад қилган.

Юртимизда фаолият олиб бораётган пахта тозалаш корхоналари эндиликда ишлаб чиқариш жараёнида кўп миқдорда талаб этиладиган жин ва линтер ускуналари учун дискли арраларни “NESH GROUP METALL” (аввалги “Сotton gin”) корхонасидан топишлари мумкин. Ишлаб чиқариладиган арралар тўлиқ жаҳон стандартлари бўйича Хитой Халқ Республикасидан келтирилган технологиялар асосида тайёрланади. Дискли арраларни техник кўрсаткичлари, яъни металлнинг қалинлиги – 0.95 мм., қаттиқлиги эса корхона муҳандислари талаби асосида 36 HR қаттиқликдан 45 HR қаттиқликгача тайёрлаб бериш имкони мавжуд.

Корхонанинг кунлик ишлаб чиқариш қуввати 5 мингтагача бўлиб, йилига 1 млн 200 минг донагача ички диаметри 100d, 75d, 61.8d ва бошқа русумдаги дискли арраларни ишлаб чиқариш имконига эга. Одатда пахта тозалаш корхоналарида фойдаланиладиган дискли арралар ҳар 72 соатда алмаштирилиб, унинг тиши қайтадан очилади. Ушбу корхонада ишлаб чиқарилган арралар эса бир марта ўрнатилгандан сўнг камида бир ой давомида ишлаш қувватига эга. Линтер ускунаси учун ишлаб чиқарилган арраларни кўрсаткичлари ҳам худди шундай.

Ишлаб чиқарилаётган барча маҳсулотлар сифат назорати ва синов шартларидан ўтказилади ва сўнгра фойдаланишга топширилади. Ҳозирги кунда биз билан ҳамкорлик қилиб келаётган компаниялар маҳсулот сифатидан мамнун бўлган ҳолда узоқ муддатли шартномалар тузишга ҳаракат қилмоқда. Бу эса ўз-ўзидан корхонага қўшимча даромад келтиради. Шу билан бирга, маҳсулотларни экспорт қилиш мақсадида бугунги кунда Қозоғистон, Тожикистон, Туркманистон, Қирғизистон давлатлари билан музокаралар олиб борилмоқда. Яқин кунларда ушбу давлатлар билан ҳамкорлик йўлга қўйилиши билан корхона ишлаб чиқариш қувватини ошириш кўзда тутилган.

“NESH GROUP METALL” корхонаси пахта тўқимачилик кластерларини ҳар томонлама манфаатли ҳамкорликка чорлаб қолади. Биз билан ҳамкорлик қилиш – биринчидан чет элдан олиб келинадиган маҳсулот учун ортиқча валюта сарф-харажатларининг олдини олади, иккинчидан – сифатли диск арраларини янада тезроқ ва осонроқ харид қилиш имконини беради. Энг муҳими эса, ўзаро ҳамкорлик Ўзбекистондаги яна бир маҳаллий корхонанинг ривожланишига катта ҳисса қўшади.

Яна бир янгилик – корхона ушбу мавсумдан бошлаб Республикамизнинг барча ҳудудларига сотиб олинган маҳсулотларини бепул етказиб беришни йўлга қўйди.

Бизнинг манзил: Тошкент шаҳри Бектемир тумани Қумовул МФЙ

Мурожаат учун телефон: +99893-560-68-36

Реклама ҳуқуқи асосида