10 ойда Ўзбекистонга 4,5 млндан ортиқ хорижлик қариндошини йўқлаш мақсадида келди

2023 йилнинг январ-октябр ойларида Ўзбекистонга жами 5,5 млн нафар чет эл фуқаролари туристик мақсадларда ташриф буюрган.

Статистика агентлиги маълумотларига кўра, уларнинг сафар мақсадлари орасида қариндошларни йўқлаш биринчи ўринда турибди — 4 млн 652,6 минг киши.

Ушбу кўрсаткич қолган сафар мақсадлари кесимида қуйидагича кўриниш олди:

• бўш вақт ва дам олиш — 659,9 минг киши;
• хизмат юзасидан — 115,9 минг киши;
• даволаниш — 50,3 минг киши;
• тижорат — 51,9 минг киши;
• ўқиш мақсадида — 14,7 минг киши.