НАТО Европа осмони мудофаасини мингта Patriot ракетаси билан кучайтиради – ОАВ

Шунингдек, альянс Европада ракета ишлаб чиқариш ҳажмини оширишга ваъда бермоқда.

Фото: Reuters

Шимолий Атлантика альянси (НАТО) Европа Иттифоқи давлатларининг «Осмон қалқони» мудофаа тизимини Patriot зенит-ракета мажмуасининг мингта ракетаси билан кучайтиради.

НАТО билан Европа Иттифоқига аъзо бир гуруҳ давлатлар қайд этилган миқдордаги жанговар ракеталарни сотиб олиш бўйича шартнома тузган, улар орасида Германия, Нидерландия, Руминия ва Испания ҳам бор. Бу ҳақда Reuters ёзди.

Patriot мажмуалари учун мингта ракета бўйича шартнома Американинг COMLOG компанияси ва Европанинг MBDA ракета тизимларини ишлаб чиқарувчиси билан имзоланган. НАТО Европада ракета ишлаб чиқариш ҳажмини оширишга ваъда бермоқда.

Маълумот ўрнида, Patriot зенит-ракета мажмуаси 450-550 млн доллар нархга эга, унинг битта ракетаси қиймати – тахминан 4 млн доллар.