Қўшимча функционаллар
-
Тунги кўриниш
ҲАМАС сиёсий етакчиси Яҳё Синвар Европа террорчилар рўйхатига киритилди
Унинг Европа Иттифоқига аъзо давлатлардаги маблағлари ва бошқа молиявий активлари музлатилди.
Фото: Shutterstock
Европа Иттифоқи кенгаши 16 январ куни ҲАМАС сиёсий етакчиси Яҳё Синварни Европа террорчилар рўйхатига қўшганини маълум қилди. Бу ҳақда Interfax хабар берди.
«Ушбу қарор Европа Иттифоқининг ҲАМАС таҳдидига ҳамда 2023 йил 7 октябрда Исроилга қарши шафқатсиз ва беғараз террорчилик ҳужумларига қарши жавобининг бир қисмидир. Бу санкциялар бугундан кучга киради», дейилади ЕИ Кенгаши баёнотида.
Хабарда Синварнинг Европа Иттифоқига аъзо давлатлардаги маблағлари ва бошқа молиявий активлари музлатилганига ойдинлик киритилади. Европа Иттифоқи операторларига уни маблағ ва иқтисодий ресурслар билан таъминлаш ҳам тақиқланган.
Кенгаш томонидан тасдиқланган тегишли ҳуқуқий ҳужжатлар Европа Иттифоқининг расмий журналида эълон қилинди.
Брюсселнинг тушунтиришича, Европа террорчилар рўйхати, яъни Европа Иттифоқининг санкциялар режими БМТ Хавфсизлик Кенгашининг тегишли резолюцияларини амалга оширувчи Европа режимидан ажратилган бўлиб, Ал-Қоида ва ИШИД террорчилик гуруҳларига қарши қаратилган. Европа Иттифоқи ушбу гуруҳ билан алоқадор ёки уларни қўллаб-қувватловчи шахслар ва ташкилотларга қарши мустақил равишда ўзининг чекловчи чораларини қўллаши мумкин.
Яҳё Иброҳим Ҳасан Синвар Ғазо секторидаги ҲАМАС етакчиси ва ушбу гуруҳнинг ҳарбий қаноти асосчиларидан бири ҳисобланади.
Ҳамас–Исроил уруши
Мавзуга оид
20:47 / 12.11.2024
“Фаластинлик болалар ва аёлларни беғараз даволашга тайёрмиз” — Шавкат Мирзиёев
17:40 / 08.11.2024
«Маккаби» мухлислари Амстердамда Фаластин байроғини ёқиб, тартибсизлик келтириб чиқаришди ва сўнг таксичилар тақибига учрашди
14:47 / 07.11.2024
Фаластин президенти ва АДЛ бош котиби Фаластин ва Ғазодаги вазиятни муҳокама қилди
14:08 / 06.11.2024