Фото: Кўксаройда Лукашенкони тантанали кутиб олиш маросими ўтказилди

Кўксарой қароргоҳида Александр Лукашенкони расмий кутиб олишга бағишланган тантанали маросим бўлиб ўтди.

Ўзбекистон ва Беларус байроқлари билан безатилган майдонда олий мартабали меҳмон шарафига фахрий қоровул саф тортди.

Ўзбекистон президенти Шавкат Мирзиёев меҳмонни самимий кутиб олди ва шоҳсупага таклиф қилди. Икки мамлакат мадҳиялари янгради.

Давлат раҳбарлари фахрий қоровул сафи олдидан ўтиб, расмий делегациялар аъзоларини қутлади.

Биргаликда суратга тушилгач, олий даражадаги музокаралар бошланди.