Қурилиш ва таъмирлашдаги талон-торожликлар аниқланди.
Бош прокуратура ҳузуридаги департаментнинг Урганч шаҳар бўлими томонидан терговга қадар текширув ўтказилган.
Унда Хоразм вилояти автомобил йўллари бош бошқармаси масъул шахслари ва бошқалар Урганч шаҳридаги темир йўл устидан ўтувчи кўприкни реконструкция қилишда расмий ҳужжатларга амалда бажарилмаган қурилиш-таъмирлаш ишларини қўшиб ёзиш орқали жами 549,3 млн сўмни ўзлаштириш йўли билан талон-торож қилганликлари аниқланган.
Шу каби, департаментнинг Янгийўл туман бўлими томонидан терговга қадар текширув ўтказилган.
Унда Янгийўл туман Ободонлаштириш бошқармаси ва T.F. МЧЖ масъул шахслари ўзаро тил бириктириб, Қирариқ кўчасидаги 592 метр йўл асфалт қилинган бўлса-да, 26.10.2023 йилда ушбу кўчани асфалт қилиш бўйича “Шаффоф” платформасига қўйиб, танловда T.F. МЧЖ ғолиб бўлгач МЧЖ раҳбари Ф.Т.билан келишиб расмий ҳужжатларга сохта маълумотлар киритиш орқали жами 239,8 млн сўмни ўзлаштириш йўли билан талон-торож қилганликлари аниқланган.
Мазкур ҳолатлар юзасидан Жиноят кодексининг тегишли моддалари билан жиноят ишлари қўзғатилиб, тергов ҳаракатлари ўтказилмоқда.
