Ўзбекистон ва Россия президентлари биргаликда дарахт экди

Таъкидланишича, Кўксаройда экилган дарахт – икки халқнинг дўстлиги, кенг қамровли стратегик шериклик ва иттифоқчилик муносабатлари мустаҳкамланиб бораётганининг рамзи ҳисобланади.

Кўксарой қароргоҳидаги икки томонлама тадбирлар якунида Ўзбекистон Республикаси президенти Шавкат Мирзиёев ва Россия Федерацияси президенти Владимир Путин Фахрий меҳмонлар хиёбонига ташриф буюрди.

Бу ерда давлат раҳбарлари Ўзбекистон ва Россия халқларининг дўстлиги, кенг қамровли стратегик шериклик ва иттифоқчилик муносабатлари мустаҳкамланиб бораётганининг рамзи сифатида биргаликда дарахт экди.