Ичимлик суви таъминоти тикланган, лекин айрим уйлар хавфсизлик нуқтайи назаридан ҳамон электр таъминотисиз қолмоқда. Асфалт қопламасини янгилаш эса уч кун вақт олиши маълум қилинди.
![](https://storage.kun.uz/source/10/7-3xFl0wNw70x3uM0f5JLI1pYvRDtTcz.jpg)
Авария жойига энг яқин жойлашган уй ҳовлисида сув қолмаган. / Видеодан кадр
Юнусобод туманида магистрал сув тармоғида юзага келган авария оқибатлари бартараф этилди. Бу ҳақда Тошкент шаҳар ҳокимлиги соат 20:00 да тақдим этган ахборотда маълум қилинди.
Хабар қилинишича, ичимлик суви таъминоти тикланган, ер остидаги ишлар ҳам якунига етган. Воқеа жойидаги асфалт қопламасини тиклаш эса ишлари давом этмоқда.
Ҳисоб-китобга кўра, бу ерда 2300 квадрат метр майдондаги асфалт қопламасига зарар етган. Таъмирлаш ишларини Grand Road Tashkent компанияси олиб боради, ишлар 3 кунда якунланиши кўзда тутилган.
Аввалроқ сув таъминоти корхонаси ҳолатга электр энергиясидаги узилиш сабаб бўлганини билдирган, Энергетика вазирлиги буни рад этганди.