Доҳада музокаралар бошланганидан бери Ғазода 168 фаластинлик ҳалок бўлди

Қатар пойтахти Доҳада ўт очишни тўхтатиш ва асир алмашиш келишуви бўйича музокаралар бошланган 15 августдан бери Исроил армиясининг Ғазо сектори турли ҳудудларига уюштирган ҳужумларида 168 фаластинлик ҳалок бўлди, 456 нафари яраланди. 

Қатар пойтахти Доҳада Ғазо секторида ўт очишни тўхтатиш ва асирларни алмашиш келишуви бўйича музокаралар бошланганидан бери Исроил ҳужумларини кучайтирди. 

Бу музокараларнинг бориши ва ўт очишни тўхтатиш, асирлар алмашинуви, кўчирилганларни қайтариш, Ғазони қайта қуриш ва турмуш шароитини яхшилаш бўйича келишувга эришиш имкониятлари юзасидан хавотир уйғотмоқда. 

Исроил ҳужумларини кучайтирар экан, барчанинг нигоҳи янги музокаралар кетаётган Доҳага қаратилган.

Оташкесим учун халқаро чақириқларга қарамай, Исроил музокаралар олдидан «хавфсизликни таъминлаш» ниқоби остида ҳужумларини давом эттирди. Ҳужумлар ва «оммавий қотилликлар» суръатини ошириб, Исроил Ҳамас ва халқаро ҳамжамиятга унинг талабларини қабул қилиш учун босим ўтказмоқчи. 

15 август куни музокаралар бошланганидан бери Исроил армияси Ғазо секторининг турли ҳудудларида «13 та қирғинни» амалга оширди. Ушбу ҳужумларда 168 фаластинлик ҳалок бўлди ва 456 киши яраланди.