Пандемиядан кейин Россияга меҳнат мигрантлари оқими тикланмади — ОАВ
Эпидемияга қарши чекловларнинг бекор қилиниши, кўплаб мутахассисларнинг прогнозларига кўра, Россияда меҳнат миграцияси миқдорини пандемиядан олдинги даражага олиб чиқиши керак эди.
Россияга меҳнат миграцияси коронавирус пандемияси тугаганидан бир неча йил ўтиб ҳам пандемиядан олдинги даражага қайтмади. Бу ҳақда Ижтимоий таҳлил ва прогнозлаш институти илмий ходими Юлия Флоринская таҳлилига таяниб «Коммерсант» ёзди.
Унинг ҳисоб-китоблари Росстат, Ички ишлар вазирлиги ва ФХХ маълумотларига асосланади. Муаллиф таъкидлаганидек, эпидемияга қарши чекловларнинг бекор қилиниши, кўплаб мутахассисларнинг прогнозларига кўра, Россияда меҳнат миграцияси миқдорини пандемиядан олдинги даражага олиб чиқиши керак эди.
Умуман олганда, 2022 йилда Россияда хорижий ишчиларнинг ўртача йиллик сони 3,47 миллион кишини ташкил этди, бу пандемиядан олдинги 2018-2019 йиллардаги кўрсаткичдан (тахминан 4-4,5 миллион) сезиларли даражада паст. 2023 йилда меҳнат мигрантларининг ўртача йиллик сони тахминан бир хил бўлди, бу Россия меҳнат бозоридаги барча ходимларнинг 4,5 фоизини ташкил қилади.
Сўнгги йилларда Россияга меҳнат миграцияси асосан Марказий Осиёнинг учта давлати – Ўзбекистон, Тожикистон ва Қирғизистондан амалга оширилмоқда. 2023 йилда Россияга кирган меҳнат мигрантлари орасида 87 фоиздан ортиғи ушбу уч давлатдан келган. «Ишлаш» мақсадида миграция бўйича рўйхатга олинганлар сони бўйича статистик маълумотлар ўхшаш – бу ерда Марказий Осиёлик мигрантлар улуши ҳам 2022 йилда қарийб 87 фоизни, 2023 йилда эса 85 фоизни ташкил қилган (2019 йилда бу улуш 68 фоиз бўлган).
2022 йилда миграция учун рўйхатдан ўтган хорижлик ишчиларнинг атиги 3 фоизи, 2023 йилда эса 4 фоизи узоқ хориж давлатлари ҳиссасига тўғри келди.
Аввалгидек, меҳнат мигрантларини бошқалардан кўра кўпроқ жалб этувчи етакчи Марказий федерал округ бўлса, иккинчи ўринда Шимолий-ғарбий федерал округ муҳим фарқ билан. Минтақалар орасида икки шаҳар (Москва ва Санкт-Петербург), шунингдек, уларнинг вилоятлари етакчилик қилишда давом этмоқда. Сўнгги бир неча йил ичида улар «ишлаш» мақсадида келган мигрантларнинг ярмидан кўпини қабул қилган (55-60 фоиз).
Қайд қилинишича, 2024 йилда Россияда меҳнат қилаётган мигрантлар сони бундан ҳам камроқ бўлиши мумкин.
Тавсия этамиз
Трамп 2.0 ўзгарган Яқин Шарққа нималар ваъда қилмоқда?
Жаҳон | 21:45 / 20.01.2025
3 га 90. Исроил ва Ҳамас ўртасидаги сулҳ қандай кечмоқда?
Жаҳон | 20:11 / 20.01.2025
Халқаро танловда ғолиб бўлган президент мактаби ўқувчиларига BYD совға қилинди
Ўзбекистон | 19:59 / 20.01.2025
“Энг хавфсиз парвоз танланади” — Uzbekistan Airways осмондаги фавқулодда ҳолатларга тайёрми?
Ўзбекистон | 17:03 / 20.01.2025
Сўнгги янгиликлар
-
Трамп инаугурация маросимида: «АҚШ ҳукумати фақат икки жинсни тан олади»
Жаҳон | 03:50
-
The Guardian: Халқаро жиноий суд «энг ёмон сценарийга» тайёрланмоқда
Жаҳон | 00:50
-
Латвияда Россия фуқароларининг айрим соҳаларда фаолият юритиши тақиқланади
Жаҳон | 00:18
-
Эрон президенти Кремлда музокараларга кеч қолган Путинни кутишдан бош тортган
Жаҳон | 23:42 / 20.01.2025
Мавзуга оид
18:37 / 20.01.2025
Россияда яшаш учун рухсатнома олганларнинг ҳайдовчилик гувоҳномалари 1 йил амал қилади
21:13 / 19.01.2025
Суриянинг янги ҳукумати Россия, Эрон ва Исроил товарлари импортини тақиқлади
15:40 / 18.01.2025
Салкам 50 минг нафар ўзбекистонлик қариндошини йўқлаш мақсадида Туркияга борган
12:03 / 18.01.2025