Лос-Анжелесда автобус йўловчилари гаровга олинди

Полиция уни таъқиб қилди ва қуролланган шахсни қўлга олди.

Фото: Ижтимоий тармоқлар

АҚШ Лос-Анжелес шаҳрида номаълум шахс автобусни олиб қочди, полиция эса уни таъқиб қилди. Бу ҳақда NBC News телеканали хабар берди.

Қайд қилинишича, автобус темир тиканлар ёрдамида тўхтатилган. Қуролланган жиноятчи полицияга қарата ўқ узган.

NBC News телеканалининг хабар беришича, ҳужум қилган шахс қўлга олинган. Унинг шахси очиқланмаяти.

Отишмада камида бир аёл киши жиддий жароҳат олган, у автобусдаги икки йўловчидан бири эканлиги тахмин қилинмоқда. Ҳайдовчи жабрланмаган, махсус кучлар унга автобусдан тушишга ёрдам беришган.

Ярадор аёл шифохонага ётқизилган ва кейинчалик вафот этди, деб хабар берди ABC7.