Сербия урушга қарши позицияга эга россияликка ЯУРни узайтирмади

N1 телеканалига кўра, Россия фуқароси Антон Бобришевга Сербиядан чиқиб кетишга кўрсатма берилган, унинг яшаш учун рухсатномаси узайтирилмаган. Адвокат апелляция шикояти берди.

Фото: AFP

Сербия Ички ишлар вазирлиги Россия фуқароси Антон Бобришевга Сербияни тарк этишни буюрди ва унинг яшаш учун рухсатномасини узайтирмади. N1 телеканалининг 16 октябр, чоршанба куни хабар беришича, россиялик аввалроқ Алексей Навалнийни қўллаб-қувватлаш учун митинг ташкил қилган ва Россиянинг Украинадаги урушини қўллаб-қувватламаган.

Канал маълумотларига кўра, мамлакатда саккиз йил яшаган Бобришев «хавфсизлик текширувидан» ўта олмаган. Россия Федерацияси фуқароси Белграддан 14 километр узоқликдаги Панчевода кўчмас мулкка эгалик қилиш асосида Сербияда вақтинчалик яшаш учун рухсатномани узайтириш учун ариза берганди.

Аввалига Ички ишлар вазирлиги рад этиш тўғрисида қарор қабул қилди ва уч кундан кейин россияликка мамлакатни тарк этиш учун 30 кун муҳлат берди.

Бу вақт давомида Бобришев Сербиядан Москва компаниясида IT мутахассиси сифатида масофадан туриб ишлаган. Унинг сўзларига кўра, олти йилдан бери Россияга бормаган.

РФдан олти дезертир Францияда вақтинчалик визалар олди

Россия Федерациясида жиноий айбловлар бўйича таъқибга учраган олти нафар россиялик дезертирлар вақтинчалик визалар олди, бу уларга сиёсий бошпана сўраш аризалари кўриб чиқилгунга қадар Францияда қолиш имконини беради. Украинага жангга жўнатилган ва 2023 йил ёзида қочиб кетган Россиянинг собиқ шартнома асосида хизмат қилган аскари Александр Британиянинг The Guardian газетасига қандай қилиб Францияга келганини айтиб берди. Нашр ушбу материални 16 октябр куни ўз сайтида эълон қилди.

«Францияга қўнганимда, биринчи марта чуқур нафас ола олдим. Менда хотиржамлик ва эркинлик ҳисси пайдо бўлди... Энг ёмони ортда қолганди», — дейди у.

Ҳуқуқ ҳимоячилари Россия Федерациясидан дезертирлар гуруҳи Европа Иттифоқи давлатларидан бирига қабул қилинган биринчи йирик ҳолат ҳақида гапирмоқда.