Тошкент шаҳридаги айрим автобуслар ҳаракати йўналиши вақтинча ўзгартирилади

Тошкент шаҳри, Миробод тумани Т.Шевченко кўчасининг Нукус кўчасидан Саид Барака кўчасигача бўлган қисми реконструкция қилинади ва 27 ноябрдан 25 декабргача ёпилади.

Фото: Транспорт вазирлиги

Тошкент шаҳридаги айрим автобуслар ҳаракат йўналиши вақтинча ўзгартирилди. Бу ҳақда Транспорт вазирлиги хабар берди.

Қайд қилинишича, Тошкент шаҳри, Миробод тумани Т.Шевченко кўчасининг Нукус кўчасидан Саид Барака кўчасигача бўлган қисми реконструкция қилинади ва 27 ноябрдан 25 декабргача ёпилади. Шу туфайли, айрим автобуслар ҳаракат йўналиши вақтинча ўзгартирилади:

- 16-, 26-, 37-, 80-сонли автобуслар ҳаракат йўналиши Нукус, Амир Темур, Фидокор кўчаларига ўзгартирилади;

- 22-, 55-сонли автобуслар ҳаракат йўналиши Нукус, Ойбек, Шахрисабз кўчаларига ўзгартирилади.

Таъкидланишича, ҳаракат йўналишларига вақтинчалик ўзгартириш киритилиши сабабли, қатнов вақти ва автобусларнинг оралиқ вақтлари меъёрдан ортиб кетиши ҳолатлари юзага келиши мумкин.