Ўзбекистон | 22:24 / 01.02.2025
6392
3 дақиқада ўқилади

Ўзбекистон Фанлар академияси ҳақиқий аъзоси Галина Матвиевская вафот этди

Галина Матвиевская ал-Хоразмий, Беруний, Самарқандий ва бошқа олимларининг илмий меросини тарғиб қилишдаги хизматлари учун «Ўзбекистон Республикасида хизмат кўрсатган фан арбоби» фахрий унвони билан тақдирланган.

Фото: Оренбург Медиа

Ўзбекистон Фанлар академияси ҳақиқий аъзоси, физика-математика фанлари доктори, профессор Галина Матвиевская 95 ёшида Оренбург шаҳридаги уйида вафот этди. Бу ҳақда Фанлар академияси матбуот хизмати хабар берди.

Галина Матвиевская 1930 йилда Днепропетровскда туғилган. 1954 йилда Ленинград университетининг математика-механика факултетини тамомлаган, 1959 йилда СССР Фанлар академияси (ҳозирги Табиатшунослик ва Россия техника Фанлар тарихи академияси)нинг институтида номзодлик диссертациясини ҳимоя қилган. Ўша йили у Ўзбекистон Фанлар академияси Математика институтига ўрта асрлар Шарқидаги фанлар тарихи бўйича тадқиқотларни кучайтириш учун таклиф қилинган. 1968 йилда у докторлик диссертациясини ҳимоя қилган (илмий маслаҳатчиси — академик Сирожиддинов). У Борис Розенфелд билан биргаликда жаҳон фондларида сақланаётган араб тилидаги математика ва астрономияга оид қўлёзмалар каталогини тузган, шогирдлари билан биргаликда Ўзбекистон Фанлар академияси Абу Райҳон Беруний номидаги Шарқшунослик институтидаги математик қўлёзмаларининг тавсифини амалга оширган.

Матвиевская Муҳаммад ибн Мусо ал-Хоразмий, Абу Райҳон Беруний, Шамсиддин Самарқандий ва Мирзо Улуғбек, Самарқандда фаолият олиб борган Қозизода Румий, Жамшид Коший ва бошқа олимларининг илмий меросини ўрганиш ва тарғиб қилиш, шунингдек, илм-фан тарихи бўйича мутахассислар тайёрлашдаги хизматлари учун Беруний номидаги Ўзбекистон давлат мукофоти (1974), «Ўзбекистон Республикасида хизмат кўрсатган фан арбоби» фахрий унвони (1980) билан тақдирланган. У Ўзбекистон Фанлар академияси мухбир аъзоси (1984), сўнгра Фанлар академиясининг ҳақиқий аъзоси (2000) этиб сайланган.

Галина Матвиевская ЮНEСКО томонидан табиий фанлар тарихи бўйича йирик мутахассис сифатида тан олинган ва Халқаро фанлар тарихи академиясининг (Париж) ҳақиқий аъзоси этиб сайланган. У ал-Хоразмий, Декарт, Беруний, Улуғбек, В.И.Романовский, Абдурраҳмон ас-Сўфий ҳақида китоблар нашр эттирган, шарқшунослик соҳасига илмий тўпламлар тузувчиси ва бош муҳаррири бўлган, Муҳаммад ибн Мусо ал-Хоразмийнинг 1200 йиллиги муносабати билан ташкил этилган юбилей тадбирларини ўтказишда фаол иштирок этган.

Мавзуга оид

Эълонлар

"Ўзбекинвест" компанияси томонидан "Яшил макон" умуммиллий дастури доирасида Қибрай туманида боғ яратилди

Iteca Exhibitions: 2024-йилда Ўзбекистоннинг иқтисодий ўсиши ва халқаро эътирофи драйвери

BI GROUPʼдан 25% гача чегирма билан бизнес класс хонадонлар

Орзуни амалга ошириш фурсати етди: саёҳат учун муносиб маскан

Шаржада ўтказилган Халқаро олимпиадада "Al-Jabr" мактаби ўқувчилари юқори натижаларга эришди

Келажак учун битим: MARS IT School болалар учун IТ-таълимни ривожлантиришнинг янги босқичига чиқяпти

"Ўзбекинвест" компанияси томонидан "Яшил макон" умуммиллий дастури доирасида Қибрай туманида боғ яратилди

Iteca Exhibitions: 2024-йилда Ўзбекистоннинг иқтисодий ўсиши ва халқаро эътирофи драйвери

BI GROUPʼдан 25% гача чегирма билан бизнес класс хонадонлар

Орзуни амалга ошириш фурсати етди: саёҳат учун муносиб маскан

Шаржада ўтказилган Халқаро олимпиадада "Al-Jabr" мактаби ўқувчилари юқори натижаларга эришди

Келажак учун битим: MARS IT School болалар учун IТ-таълимни ривожлантиришнинг янги босқичига чиқяпти

"Ўзбекинвест" компанияси томонидан "Яшил макон" умуммиллий дастури доирасида Қибрай туманида боғ яратилди

Iteca Exhibitions: 2024-йилда Ўзбекистоннинг иқтисодий ўсиши ва халқаро эътирофи драйвери