Қўшимча функционаллар
-
Тунги кўриниш
Таксичиларнинг даромадлари ҳисоб-китоби нолдан бошланади
Таксистлик фаолияти ўзини ўзи банд қилган фаолият турлари рўйхатига киритилди. Солиқ қўмитаси 2024 йилда таксичиларнинг даромади 100 млн сўмдан ошган бўлса ҳам, ҳисоб-китоб нолдан бошланишини маълум қилди. Даромади 100 миллион сўмдан ошганда, улар учун солиқ агентлари тўлов манбайида автоматик ҳисобланиши мумкин.
Фото: Kun.uz
Такси ҳайдовчилари ўзини ўзи банд қилган шахс сифатида ишлашда давом этишлари мумкин, дея маълум қилди Солиқ қўмитаси матбуот хизмати.
27 февралдаги президент қарорига мувофиқ, енгил автотранспорт воситаларида йўловчиларни шаҳар, шаҳар атрофи ва шаҳарлараро ташиш фаолияти ўзини ўзи банд қилган шахслар шуғулланиши мумкин бўлган фаолият турлари рўйхатига киритилади. Бунинг учун лицензия варақаси талаб этилади.
Бундан аввал ўзини ўзи банд қилган шахслар сифатида йўловчи ташишга 2025 йил 1 январгача рухсат берилганди (Soliq мобил иловасида ўзини ўзини банд қилган шахс сифатида бепул рўйхатдан ўтиш мумкин).
Солиқ қўмитасининг тушунтиришича, ўзини ўзи банд қилган шахсларнинг солиқ даври (йил) давомида меҳнат фаолияти натижасида ёки товарларни (хизматларни) реализация қилишдан олинган 100 миллион сўмгача бўлган даромадларига солиқ солинмайди. Бунда йил тугаши билан янги йил бошидан даромадлар қайтадан ҳисобланади.
Солиқ даврида даромадлари 100 млн сўмдан ошганда якка тартибдаги тадбиркорлар учун белгиланган тартиб асосида (Солиқ кодекси 369-моддаси) солиққа тортилади.
“Мисол учун, 2024 йилда даромадлари 100 млн сўмдан ошмаган ёки ошган тақдирда ҳам 2025 йилда ҳисоб-китоб “нол”дан бошланиб, уларнинг 100 млн сўмгача бўлган даромадлари солиққа тортилмайди.
Шунингдек, такси фаолияти билан банд бўлганларга содда ва қулай бўлиши учун даромади 100 миллион сўмдан ошганда (лекин 1 миллиард сўмгача) улар учун солиқни солиқ агентлари (такси агрегатори) тўлов манбаида автоматик ҳисоблаш ва бюджетга ўтказиш юзасидан тегишли таклифлар ишлаб чиқилган. Мазкур таклиф қабул қилиниб, қонунчиликка кирилганида ушбу тартиб асосида солиққа тортиш тизими жорий этилади”, – дея маълум қилди Солиқ қўмитаси.
Маълумот учун, 2025 йил 1 феврал ҳолатига 736 минг нафар ўзини ўзи банд қилган шахслар йўловчи ташиш билан шуғулланади.
Тавсия этамиз
АҚШ 43 давлат, жумладан Россия ва Беларус фуқароларининг киришини чеклаши мумкин
Жаҳон | 17:13 / 15.03.2025
Сиёсат ва футбол: тўп яна Трампда
Жаҳон | 21:48 / 14.03.2025
Тошкентда битта хонадон нархи неча йиллик ижара ҳақига тенг?
Ўзбекистон | 20:15 / 14.03.2025
Тошкентда попкорн сотувчиларини “паноҳига олган” профилактика инспектори пора олганликда айбланди
Жамият | 19:19 / 14.03.2025
Сўнгги янгиликлар
-
АҚШ Қримни Россия ҳудуди сифатида тан олиши мумкин — ОАВ
Жаҳон | 00:43
-
Швейцария 30 мингдан ортиқ украиналикни қочоқ мақомидан маҳрум қилди
Жаҳон | 00:18
-
Тошкентдаги тунги клуб олдида фуқароларни калтаклаган эркак Қозоғистонда ушланди
Жамият | 23:57 / 17.03.2025
-
BYD электромобилларни 5 дақиқада қувватлаш имконини берадиган янги тизимни тақдим этди
Фан-техника | 23:25 / 17.03.2025
Мавзуга оид
15:01 / 06.03.2025
Ўзбекистонда Wildberries'дан қўшимча 4 млн доллар солиқ ундирилди
23:00 / 05.03.2025
Қатор компанияларга тўловларни электрон шаклда ҳам қабул қилиш мажбурий деб белгиланди
18:51 / 05.03.2025
Кўчмас мулкнинг бозор нархига яқин қийматини аниқлаш мақсадида оммавий баҳолаш ўтказилади
23:33 / 01.03.2025
Тошкентда таксида чақалоқ туғилди
