Венгрия ва Ўзбекистон олимлари янги дори воситасини ишлаб чиқариш устида ишламоқда
Венгриянинг етакчи Daily News Hungary электрон нашрида "Венгрия университети Нобел мукофоти совриндори кашф қилган шифобахш ўт асосида янги "мўъжизавий дори" ишлаб чиқиши мумкин", сарлавҳали мақола эълон қилинди.

Фото: Shutterstock
"Ширин шувоқ минг йиллар давомида хитойликлар ва европаликлар томонидан ишлатилган энг қадимги ўсимликлардан биридир. 2015 йилда хитойлик тадқиқотчи Ту Юю безгакни даволашда 100 фоиз самарадорликни кўрсатган ширин шувоқнинг фаол компонентини ажратиб олгани учун тиббиёт бўйича Нобел мукофотига сазовор бўлди. Эндиликда Венгрия университети Ўзбекистон билан ҳамкорликда ушбу ўсимликдан фаол қўшимчаларни яратишни режалаштирмоқда", – деб ёзилган мақолада.
Венгриянинг Világgazdaság иқтисодий нашри хабар беришича, Дебрецен университетида янги биологик фаол моддаларни ишлаб чиқиш аллақачон бошланган. Венгрия-Ўзбекистон қўшма илмий-тадқиқот, ишланмалар ва инновациялар (R+D+I) лойиҳаси доирасида олимлар ўсимликдаги фаол моддалар миқдори у етиштириладиган тупроқ ва об-ҳаво шароитига қараб қандай ўзгаришини ўлчамоқда.
Маълум қилинишича, фаол моддалар экстрактининг самарадорлигини ўрганиш учун ҳайвонлар устида тажрибалар ўтказиш режалаштирилган. Лойиҳанинг ўзбекистонлик ҳамкори Тошкент фармацевтика институти, саноат ҳамкори эса Венгриянинг Meditop Pharmaceutical Ltd. фармацевтика компанияси ҳисобланади.
"Венгрия-Ўзбекистон ҳамкорлиги доирасида маҳсулот ишлаб чиқариш аллақачон бошланган. Дебрецен университети фармация факультети декани Илдико Баcкайнинг айтишича, ўзбекистонлик ҳамкорлар университетда фаолият юритаётган саноат паркига ўхшаш саноат паркини ташкил этишни режалаштирмоқда. Лойиҳа ҳар икки давлат ҳукуматлари томонидан қўллаб-қувватланаётгани боис, декан ҳамкорликни кенгайтириш, жумладан, масалан, бактериофаглар асосидаги дори воситаларини яратиш ва ишлаб чиқаришни кенгайтириш мумкинлигига умид қилмоқда", – дея таъкидланган нашрда.
Қайд этилганидек, турли халқларнинг анъанавий тиббиётида шувоқнинг юзлаб турлари кенг қўлланади. Мисол учун, америкалик ҳиндулар иситмани тушириш учун Artemisia ludovicianaдан кенг фойдаланганлар. Ушбу ўсимлик шунингдек, анъанавий хитой тиббиётининг бир қисмидир.
Тавсия этамиз
Нима учун Кореяни танлаш ёки танламаслик керак? | SUBYEKTIV
Жамият | 19:02 / 30.06.2025
Уруш тугади, энди Исроил ва Эрон нима қилади?
Жаҳон | 12:02 / 30.06.2025
Кўчмас мулк савдосини нақдсиз шаклга ўтказиш режалаштириляпти
Иқтисодиёт | 11:26 / 30.06.2025
Ҳиндистонда ўн миллионлаб одам уран билан ифлосланган сувни ичмоқда — олимлар
Жаҳон | 09:01 / 30.06.2025
Сўнгги янгиликлар
-
Путин ва Трампнинг суҳбатидан кейин ҳам Россия Киевга зарба беришда давом этмоқда
Жаҳон | 11:06
-
Ободонлаштириш бошқармасига ишга киритиб қўйишни ваъда қилган шахс ушланди
Ўзбекистон | 11:05
-
Трамп Путин билан суҳбат ҳақида: ўзгариш йўқ
Жаҳон | 10:26
-
Тошкент туманида жойлашган уйларнинг бири ёниб кетди
Ўзбекистон | 10:04
Мавзуга оид

12:13 / 03.07.2025
Зангиотада сифатсиз дори воситалари ва буюмлари савдосига чек қўйилди

13:00 / 30.06.2025
Венгрия ТИВ: АҚШ Россия билан АЭС қуришга тўсқинлик қилган санкцияларни олиб ташлади

07:59 / 27.06.2025
Евроиттифоқ саммити Украинанинг ЕИга қўшилишини қўллаб-қувватловчи қўшма баёнотни қабул қила олмади

18:02 / 23.06.2025