Фото: Херсон области маъмурияти биноси яксон этилди

Фото: Oleksandr Prokudin / Telegram

Россия қўшини бир кун давомида икки бор Херсон области маъмурияти биносига ракета зарбаси йўллади, натижада у буткул вайрон бўлган.

Маъмурият раҳбари Олександр Прокудин зарба оқибатида жабрланганлар бор ёки йўқлиги текширилаётганини маълум қилган.

Херсон области кенгаши раисининг биринчи ўринбосари Юрий Соболевский олдинроқ бинодан «анчадан буён фойдаланилмаётгани, у олдин ҳам бир неча бор душман зарбасига учрагани» ва «ҳеч қанақасига қарорлар қабул қилиш маркази саналмаслиги»ни айтганди.

Украина президенти девони раҳбари Андрей Ермак ҳам бино вайрон қилингани акс этган фотосуратни ўз саҳифасига жойлаштирган. «Россияликларнинг кун давомидаги иккинчи зарбаси. Нима учун? Бу ҳаракатдан мантиқ нима? Мантиқ умуман йўқ», — дея ёзган у.