Ўзбекистон 5 ойда қарийб 10 мингта электромобил импорт қилди

Сўнгги 5 ой ичида Ўзбекистонга қиймати 325,3 миллион долларлик енгил автомобил импорт қилинди.

Фото: AP

Статистика қўмитаси маълумотларига кўра, 2025 йилнинг январ-май ойларида мамлакатга 18 387 та енгил автомобил олиб кирилган бўлиб, улардан 9 789 тасини электромобиллар ташкил этади.

Ушбу даврда Ўзбекистонга автомобил етказиб бериш бўйича етакчи давлатлар қуйидагилар бўлди:

Хитой – 15873 дона;
Корея Республикаси – 1882 дона;
Ҳиндистон– 168 дона;
Япония – 122 дона;
АҚШ – 82 дона;
бошқа давлатлар – 260 дона.

Шунингдек, 2025 йилнинг ўтган беш ойи давомида Ўзбекистонда жами 153 814 дона турли русумдаги енгил автомобиллар (махсус енгил автомобиллардан ташқари) ишлаб чиқарилган.