Оқ уй Трамп ва Путин учрашуви бўлиб ўтадиган шаҳар номини маълум қилди

Таъкидланишича, АҚШ етакчиси Украинадаги “ҳарбий ҳаракатларга чек қўйишга қатъий аҳд қилган”.

Анкориж шаҳри / Фото: iStock

АҚШ ва Россия президентлари Доналд Трамп ва Владимир Путин ўртасидаги учрашув 15 август куни Аляска штатининг Анкориж шаҳрида бўлиб ўтади. Бу ҳақда Оқ уй маълум қилди.

"Жума куни президент Трамп Россия президенти Владимир Путин билан икки томонлама учрашув ўтказиш учун Аляскага, Анкорижга йўл олади", - деди Оқ уй матбуот котиби Кэролайн Левитт.

У Америка етакчиси Украинадаги “ҳарбий ҳаракатларга чек қўйишга қатъий аҳд қилган”лигини таъкидлади.

Анкориж Аляска штатининг энг йирик шаҳри ҳисобланади.

#Владимир Путин #Аляска #Доналд Трамп

Kun.uz янгиликларини Google News'да кузатинг

+ Обуна бўлиш