“Путин яқин икки ҳафта ичида Зеленский билан шахсан учрашишга ваъда берди” – Оқ уй

Брифинг давомида у Аляскадаги саммитнинг фойдасини баҳолади, Украинага АҚШ томонидан бериладиган эҳтимолий хавфсизлик кафолатлари ҳақида сўз юритди.

Аляскадаги саммит ҳақида

Аляскадаги саммит самарали бўлди. У Украинадаги вазиятни барқарорлаштириш бўйича музокараларнинг иккинчи босқичига йўл очиб берди. 

Украинадаги низони ҳал қилиш доирасида “туннел охирида ёруғлик” пайдо бўлди. 

АҚШ вице-президентм Жей Ди Вэнс, давлат котиби Марко Рубио ва президентнинг махсус вакили Стив Уиткофф Путин ва Зеленский учрашувини тезлаштириш учун Россия ва Украина билан ишлашни мувофиқлаштиради. 

Украинага АҚШнинг кафолатлари ҳақида 

Хавфсизлик кафолатлари доирасида Украинада АҚШ қўшинлари бўлмайди. 

АҚШ Украинага хавфсизлик кафолатлари доирасида мувофиқлаштириш ишларида ёрдам беради. 

АҚШ Украинага хавфсизлик кафолатлари сифатида ҳаводан қўллаб-қувватлашни истисно қилмайди. 

Вашингтон Москва билан Россия учун мақбул келадиган Украинага хавфсизлик кафолатларини муҳокама қилади. 

“Яхши келишув” бўлиши учун Россия ва Украина бироз норози ҳолда қолишлари керак. 

Путин ва Зеленский учрашуви ҳақида 

Путин билан очиқ мулоқот зарурлигига Трампнинг ишончи комил. Бу Россиянинг позициясини тушунишга ёрдам беради. 

Путин ва Зеленский музокаралар столи атрофига ўтиришга рози бўлди. Уларнинг учрашувига тўлақонли тайёргарлик кетмоқда. 

Путин яқин икки ҳафта ичида Зеленский билан шахсан учрашишга ваъда берди. 

АҚШ Россия билан бўлажак уч томонлама музокараларни ўтказиш учун кўплаб эҳтимолий жойларни муҳокама қилмоқда. 

Трамп мулоқот тезроқ ўтказилиши тарафдори, у яна бир ой кутмоқчи эмас. 

Трамп ўзининг президентлик муддати тугаганидан кейин ҳам Украинада тинчлик сақланиб қолиши кераклигини тушунади.