Қўшимча функционаллар
-
Тунги кўриниш
Полша раҳбари украиналиклар учун имтиёзлар тўғрисидаги қонун лойиҳасини блоклади
Карол Навроцкий украиналик қочқинлар учун ижтимоий нафақаларни узайтириш ҳақидаги қонун лойиҳасини блоклади. Шу сабабли Украина Қуролли кучлари Starlink'дан фойдаланиш имкониятидан ҳам маҳрум бўлиши мумкин.
Полша президенти Карол Навроцкий мамлакатдаги украиналик қочқинлар учун ижтимоий нафақаларни узайтириш ҳақидаги қонун лойиҳасига вето қўйди. Бу ҳақда 25 август, душанба куни Wiadomości ва Interia нашрлари хабар берди.
Шу билан бирга, Полша раҳбари Rodzina 800+ давлат дастурининг шартидан норозилигини билдирди, унга кўра, чет эллик оилалар ҳар бир бола учун ойига 800 злотий (188 евро) олиши мумкин. Сиёсатчининг сўзларига кўра, бундай тўловлар фақат ишлайдиган ота-оналар учун мўлжалланган бўлиши керак.
Қонун лойиҳаси аввалроқ Полша ҳукумати таклифи билан Сейм (парламентнинг қуйи палатаси) томонидан қабул қилинган эди. Ҳужжат, хусусан, украиналикларнинг Полшада вақтинчалик ҳимояланиш мақомини 2026 йилнинг мартигача узайтириш ҳамда бир қатор бошқа чораларни назарда тутган. Узайтирилмаса, улар сентябр ойи охирида тугайди.
