Литва Европада терактлар бўйича Россия билан боғлиқ режани фош қилди

Литва Бош прокуратураси ва криминал полицияси Европанинг бир қанча давлатларида терактлар уюштиришни режалаштирган уюшган гуруҳни фош қилди, деб хабар берди Lrt.lt нашри чоршанба, 17 сентябр куни. Тергов натижаларига кўра, 2024 йил июлида Литва фуқароси Александр Шуранов DHL ва DPD хизматлари орқали Вилнюсдан портловчи мосламалар солинган бир нечта посилкаларни жўнатган.

Халқаро журналистлар гуруҳи, жумладан, LRT суриштирувлар бўлимига кўра, Шуранов Россия Бош разведка бошқармаси (ГРУ) номидан ишлаган. Журналистлар унинг Россия разведка хизматлари билан алоқалари ўтган йилги ҳужумлардан анча олдин мавжуд бўлган бўлиши мумкинлигини аниқлади.

Иккита посилка Буюк Британияга, яна иккитаси Полшага юборилди. 20, 21 ва 22 июл кунлари жами учта посилка ёниб кетди: Лейпциг аэропортида, Германия; Полша орқали ҳаракатланаётган DPD юк машинасида; Буюк Британиянинг Бирминҳэмидаги DHL омборида.

Қўлбола қурилмалар массаж ёстиқчалари ва косметика буюмлари сифатида ниқобланган электрон таймерли термит бомбалардан иборат эди.