Финляндия таълим тизимида катта эркинлик мавжуд – президент Стубб

Финляндия президенти Александр Стубб Ўзбекистонга ташрифи давомида ўз мамлакати таълим тизими ҳақидаги фикрларини айтди.

«Финляндия таълим моделидан қандай хулоса чиқариш мумкин. Бунда бир неча асосий жиҳатлар бор. 

Биринчидан, кичик ёшдан бошлаб таълим тизими барча учун тенг бўлиши керак, шунда ҳамма бир хил даражада шаклланади, албатта агар бирор ўқувчи тезроқ ривожланишни истаса, унга имконият берилади.

Иккинчидан, барча ўқитувчилар педагогика бўйича магистр даражасига эга. Бу юқори малакали мутахассислик бўлиб, фақат талабгорларнинг 10 фоизи бундай мақомни қўлга киритади.

Учинчидан, таълимда катта эркинлик мавжуд, яъни маълум бир ўқув дастурини мажбуран ўқитиш шарт эмас.

Тўртинчидан, биз ўқитувчиларимизни жуда қадрлаймиз. Менимча, Арасту ёшларга таълим беришдан ҳам олижаноб иш йўқ деб тўғри айтган. Булар Финляндия ўқув тизими ҳақидаги асосий хулосалар», деди Стубб.