Қўшимча функционаллар
-
Тунги кўриниш
Xiaomi янги арзон смартфонини тақдим этди
Смартфон 6,9 дюймли IPS-дисплейга эга бўлиб, янгиланиш частотаси 120 Гцни ташкил қилади. Redmi 15A Unisoc T8300 процессори ва 4 ГБ тезкор хотира билан жиҳозланган. Телефоннинг ички хотираси 64 ГБ ва microSD карталар учун слот ҳам бор.
Фото: Xiaomi
Xiaomi компанияси Redmi 15A смартфонини тақдим этди, деб хабар берди Notebookcheck нашри.
Журналистларнинг сўзларига кўра, янги қурилма бренднинг ҳозирги қурилмалари орасида энг арзони ҳисобланади. У Ҳиндистон бозори учун чиқарилган бўлиб, нархи 16,5 минг рупий (173 доллар) этиб белгиланган.
Смартфон 6,9 дюймли IPS-дисплейга эга бўлиб, янгиланиш частотаси 120 Гцни ташкил қилади. Redmi 15A Unisoc T8300 процессори ва 4 ГБ тезкор хотира билан жиҳозланган. Телефоннинг ички хотираси 64 ГБ ва microSD карталар учун слот ҳам бор.
Қурилма 32 мегапикселли камера ва 8 мегапикселли олд камера билан жиҳозланган. Смартфонда симли қулоқчинлар учун 3,5 мм аудио тирқиш мавжуд.
У Android 16 асосидаги HyperOS 3.0 операцион тизимида ишлайди ҳамда 2032 йилгача хавфсизлик янгиланишларини олиш кафолати берилган.
Шунингдек, муаллифлар арзон смартфон 5G алоқани қўллаб-қувватлаши ва 6300 мА·соат сиғимли аккумуляторга эга эканига эътибор қаратган.
