«Реал» мухлислари Мбаппенинг кетиши учун деярли 1,5 млн имзо тўплади

Улар француз ҳужумчисининг кетишини зарур ўзгаришларга боғламоқда.

Фото: Getty Images

«Реал» мухлислари петицияни яратиб, унда франциялик ҳужумчи Килиан Мбаппенинг Мадрид клубини тарк этишини талаб қилмоқда. Ушбу хабар ёзилган пайтда уни қарийб 1,5 млн киши имзолаган.

«Реал» мухлислари, фикр билдиринг! Агар ўзгаришлар зарур деб ҳисобласангиз, жим турманг - ушбу петицияни имзоланг ва клуб ва унинг келажаги учун энг яхши деб ҳисоблаган нарсангизни ҳимоя қилинг», дейилади матнда.

Аввалроқ журналист Франсуа Галлардо Мбаппенинг онаси Файза Ламари «Реал» президенти Флорентино Пересга ультиматум қўйиб, жамоадоши Винисиус Жуниорнинг кетишини талаб қилмоқчи экани ҳақида хабар берган эди. Қайд этилишича, Мбаппе «Винисиус ва клубнинг бошқа футболчилари томонидан ўзига хиёнат қилинганини ҳис қилмоқда».

Француз футболчиси 2024 йилдан буён «Реал» сафида тўп тепяпти. Жорий мавсумда 27 ёшли Мбаппе клуб сафида 41 та ўйинда 41 та гол урди.

«Реал» бу мавсумда чемпионликни бой бериш арафасида турибди. Асосий рақиб «Барселона» кейинги 4 ўйинда 2 очко жамғарса Испания чемпиони бўлади. Шунингдек, мадридликлар Испания Кубоги ва Чемпионлар Лигасида ҳам муваффақиятсиз иштирок этди.