Xitoy konsorsiumi «Aston Villa»ni 100 million yevroga sotib olishni rejalashtirmoqda

Angliya premer-ligasini tark etgan Birminhemning «Aston Villa» jamoasi yaqin kunlar ichida o‘zining yangi egasini topishi kutilmoqda.

Jamoaning sobiq xo‘jayini Endi Lernerning yaqin kelajakda klubni boshqarish rejasi yo‘q. Lerner rahbarligi davrida, keyingi 10 yil davomida «Aston Villa» 275 million funt hisobida zarar ko‘rdi. Shuningdek, jamoaning qarzlari mavjud. Mirror nashri ma'lumotiga ko‘ra, Xitoy konsorsiumi jamoani 100 mln yevro evaziga sotib olishi mumkin. 

Ma'lumot uchun, birminhemliklar klubi 1986-1987 mavsumdan beri ilk marta APLdan tashqarida qoldi.