O‘zbekistonda 1,4 tonna giyohvand vositalari yoqib yo‘q qilindi

26 iyun «Xalqaro giyohvandlikka va giyohvand vositalarining noqonuniy aylanishiga qarshi kurash» kuni munosabati hamda Narkotik moddalarini nazorat qilish bo‘yicha O‘zbekiston Respublikasi Davlat komissiyasi tomonidan tasdiqlangan joriy giyohvandlikka qarshi kurash oyligi doirasida O‘zbekiston Milliy xavfsizlik xizmati (MXX) xodimlari 1,44 tonna giyohvand moddasini yoqib yuborishdi. Bu haqida idoraning matbuot xizmati ma'lum qildi. 

«Giyohvand moddalar Toshkentdagi korxonalarning biriga tegishli o‘choqlarda ularni nazorat qilish bo‘yicha idoralararo komissiya a'zolari, BMTning giyohvand moddalar hamda  jinoyatchilik, jamiyat va OAV boshqarmasi vakillari ishtirokida yoqib yuborildi», - deya xabar berdi MXX matbuot xizmati.

Idora ma'lumotlariga ko‘ra, yo‘q qilingan giyohvand moddalar umumiy miqdoridan 145 kilogrammni - geroin, 655 kilogrammni - opium,  115 kilogrammni - nasha, 496 kilogrammni - marixuana, 27 kilogrammni - ko‘knor tashkil qilgan. Shu bilan birga dori vositalaridagi katta miqdorli giyohvand moddalar ham yo‘q qilingan. 

O‘zbekistonda ilk marotaba giyohvand moddalar yoqib yuborilgan 1994 yildan bugungi kungacha 55,4 tonna giyohvand modda shu yo‘l bilan yo‘q qilingan. 

O‘zbekiston Respublikasi Vazirlar mahkamasi huzuridagi giyohvand moddalarni nazorat qilish bo‘yicha milliy axborot-tahlil markazi bergan ma'lumotlariga ko‘ra, 2015 yilda O‘zbekistonda noqonuniy muomalada bo‘lgan 2,51 tonna giyohvand modda yo‘q qilingan, shuningdek narkojinoyatlar bilan bog‘liq 6648 mingta holat qayd etilgan. 

foto:© RIA