AQSh energiya vazirligi: 2017 yil oxiriga borib, neft bahosi 60 dollargacha ko‘tarilishi mumkin

2017 yilning oxiriga borib, Brent markali neft bahosi bir barrelga 60 dollargacha oshishi mumkin. Bu haqida AQSh Energiya vazirligining Energetik axborot boshqarmasi (EIA)  rahbari Adam Seminski ma'lum qildi. 

"O‘ylashimizcha, 2017 yilda Brent markali neft bahosi o‘rtacha 62 dollarni tashkil qiladi. 2017 yil oxiriga borib, 60 dollarga yetishi mumkin", - dedi Seminski. 

"2016 yilning oxirida ham neft bahosi hozirgidan baland bo‘ladi. Joriy yilning oxiriga borib, narxlar bir barrel uchun 50 dollar atrofida bo‘ladi", - deya ta'kidladi Energetik axborot boshqarmasi rahbari . 

2014 yilning yozida 115 dollardan tushib ketgan neft bahosi 2016 yilning may oyi oxiriga kelib ko‘tarildi.