Turkiya bosh vaziri mamlakatda harbiy to‘ntarishga urinish ro‘y berganini ma'lum qildi

Bir guruh harbiylar hukumat organlariga qarshi harbiy to‘ntarishni sodir etishga urinishdi, deb ma'lum qilmoqda mamlakat bosh vaziri Binali Yildirim.

"Bir guruh harbiylar qo‘l ostidagi qurol va vakolatlardan foydalangan holda harbiy to‘ntarish qilishga urinishdi… Buni harbiy to‘ntarish deb ham bo‘lmaydi, ammo biz fuqarolarimiz tinchligini saqlash uchun qo‘limizdan kelgan bor imkoniyatlarni ishga solamiz. Aybdor shaxslarga nisbatan o‘ta qattiq choralar ko‘riladi", — dedi Yildirim NTV telekanaliga telefon orqali.