Saudiya Arabistoni Kuvaytdagi turk harbiy attashesini ushladi

Saudiya Arabistoni hukumati Dammam aeroportida Kuvaytdagi turk harbiy attashesini ushladi, deb xabar bermoqda Reuters axborot agentligi. 

Ta'kidlanishicha, attashe Anqara so‘rovi bilan ushlangan.

Saudiya Arabistoni qiroli Salmon ibn Abdulaziz al-Saud Turkiya prezidenti Rajab Toyib Erdo‘g‘anni harbiy to‘ntaruvning muvaffaqiyatli bostirilgani bilan tabrikladi.  

Avvalroq Turkiya qurolli kuchlari harbiy to‘ntaruv ishtirokchilari bartaraf etilgani, mamlakat armiyasi davlat va turk xalqi ixtiyorida ekanligini ma'lum qilgandi.