MSKda senator Ravshan Norbo‘tayevning vakolatini muddatidan ilgari tugatish masalasi ko‘rib chiqildi

19 avgust kuni O‘zbekiston Respublikasi Markaziy saylov komissiyasining majlisi bo‘lib o‘tdi. Uni Komissiya raisi M. Abdusalomov boshqardi.

Markaziy saylov komissiyasi matbuot xizmati ma'lumotiga ko‘ra, majlisda viloyat, tuman va shahar saylov komissiyalarining faoliyatini yanada takomillashtirish bo‘yicha tadbirlar kompleks rejasi tasdiqlandi.

Ta'kidlanganidek, tadbirlar viloyat, tuman va shahar saylov komissiyalari normativ-huquqiy hujjatlarini takomillashtirishga, shuningdek saylov qonunchiligining asosiy me'yorlari va qoidalarini keng jamoatchilikka yetkazishga qaratilgandir. 

Komissiya a'zolari O‘zbekiston Respublikasi Oliy Majlisining Senati a'zosi Ravshan Norbo‘tayevning vakolatini muddatidan ilgari tugatish masalasini ham ko‘rib chiqishdi.

Muhokama etilgan masalalar bo‘yicha tegishli qarorlar qabul qilindi.