Nukusda "Istiqlol farzandlari" yoshlar festivali bo‘lib o‘tdi

O‘zbekiston Respublikasi davlat mustaqilligining yigirma besh yilligi munosabati bilan 20-avgust kuni Nukus shahrida "Go‘zal va betakrorimsan, muqaddas Vatanim, jonim senga fido, O‘zbekistonim!" shiori ostida "Istiqlol farzandlari" yoshlar festivali bo‘lib o‘tdi.

Dastlab, festival ishtirokchilari "Motamsaro ona" haykaliga gulchanbar qo‘yishadi.

Festivali doirasida “Go‘zal va be'takrorimsan, muqaddas Vatanim, jonim senga fido, O‘zbekistonim!” mavzusida rasmlar tanlovi tashkillashtirildi.

Shuningdek, ushbu mavzuda insholar tanlovi ham bo‘lib o‘tdi va unda yosh ijodkorlar faol ishtirok etishdi.

“Yoshlar markazi” ning majlislar zalida O‘zbekiston Respublikasi prezidenti I.A.Karimovning Ona Vatanimiz baxt-u iqboli va buyuk kelajagi yo‘lida xizmat qilish – eng oliy saodatdir”nomli asarining taqdimoti bo‘lib o‘tdi.

Unda Qoraqalpog'iston Respublikasi “Nuroniy” jamg'armasi raisi Sh. Usnatdinov, Qoraqalpog'iston Respublikasi “Ma'naviyat targ'ibot” markazi raisi Sh. Ayapov, “Kamolot” yoshlar ijtimoiy harakati Qoraqalpog'iston Respublikasi Kengashi raisi A.Daniyarovlar yoshlarga kitobning har bir bandi ma'naviy tarixiy mazmunga ega ekanligini ta'kidladi.

Shundan so‘ng, “O‘zbekistonda yoshlarga oid davlat siyosati asoslari to‘g‘risada”gi Qonunning yangi tahriri muhokama qilindi

Unda Qoraqalpog‘iston Respublikasi Adliya Vazirligi ”Targ‘ibot va huquqiy ma'rifat” bo‘limi yetakchi maslahatchisi Isatay Aldabergenov qonunning yangi tahririn tahlil etib yoshlarga tushuntirib o‘tdi.

Qoraqalpog‘iston Respublikasi Jo‘qarg‘i Kengesi binosida senator va deputatlar bilan uchrashuv tashkil qilindi.

Qoraqalpog‘iston Respublikasi Jo‘qarg‘i Kengesi qo‘mita raisi B.Nurabullayev yoshlar bilan suhbati davomida Joqarg‘i Kenges faoliyati bilan yaqindan tanishtirib o‘tdi.

Joqarg‘i Kerngesdan so‘ng, Qoraqalpog‘iston Respublikasi Jinoyat ishlari bo‘yicha Oliy sudi binosi va u yerda ish jarayonlari bilan tanishuv bo‘lib o‘tdi.

Festival ishtirokchilari uchun Qoraqalpoq xalqining o‘tmishi, ota-bobolaridan meros durdona buyumlarini o‘zida jamlagan, faqatgina qoraqalpoq xalqinigina emas balki dunyo xalqlarini etiborini o‘ziga tortib kelayotgan I.V.Savitskiy nomidagi Qoraqalpoq davlat san'at muzeyiga “Tarixiy xotirasiz kelajak yo‘q” shiori ostida sayohat tashkil qilindi.

Festival yakunidaa gala-konsert tashkillashtirildi.

Unda 600 nafar yoshlarga qoraqalpoq estrada yulduzlari o‘zlarining eng sara qo‘shiqlarini ijro etib, barchani raqsga taklif etishdi.

Shu tariqa, Nukus shahrida o‘tkazilgan "Istiqlol farzandlari" yoshlar festivali ko‘tarinki ruhda o‘z yakuniga yetdi.

Furqat Yusupov tayyorladi

Manba:  KRuz.uz