Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Порошенко Собиқ Иттифоқда Украина байроғи тақиқлангани ҳақида гапириб берди
21:16 / 23.08.2016
10065

Украина президенти Пётр Порошенко Украина байроғидаги сариқ ва кўк ранглар бирикмаси Собиқ Иттифоқда тақиқлангани ва бу ранглардан фойдаланиш жиддий жиноят ҳисоблангани ҳақида гапириб берди. Бу ҳақда "112 Украина" телеканали хабар бермоқда.  

"Байроғимизнинг асл тарихини совет ҳукумати сир тутган. У кўк ва сариқ ранглар бирикмаси фуқаролар кўзига тушмаслиги ортидан қаттиқ кузатган... Тузум бу ранглар бирикмасига йўл қўймаган ва уни жиноят деб ҳисоблаган", деб айтди Порошенко Украина миллий байроғи куни муносабати билан сўзлаган нутқида. 

Порошенко, шунингдек, 90 фоиз украиналиклар ўз миллий рамзлари билан фахрланишларини таъкидлаб ўтди. 

Шу куни олдинроқ Порошенко Украина байроғини тан олинмаган Луганск ва Донецк халқ республикалари ҳамда Қримда кўтаришга чақирганди.

Украина миллий байроғи куни мамлакатнинг мустақиллиги кунидан бир кун аввал – 23 августда нишонланади.

 


Улашинг
Top