Qozog‘iston bosh vaziri Islom Karimovning dafn marosimida ishtirok etadi

Qozog‘iston bosh vaziri Karim Masimov O‘zbekiston prezidenti Islom Karimovning dafn marosimida ishtirok etish uchun Samarqandga keladi.

"O‘zbek xalqi bilan birgalikda qayg‘udamiz. Davlat rahbari topshirig‘iga binoan Samarqandga uchaman", degan Masimov instagramdagi sahifasida.

Bundan oldinroq, Qozog‘iston rahbari Nursulton Nazarboyev O‘zbekiston Respublikasi Oliy Majlisi Senati Raisi Nig‘matilla Yo‘ldoshevga Prezident Islom Karimovning vafoti munosabati bilan ta'ziya bildirgandi. 

O‘zbekiston rahbarining dafn marosimi 3 sentabr kuni Samarqand shahrida bo‘lib o‘tadi.