Shavkat Mirziyoyev Islom Karimov maqbarasini ziyorat qildi

Samarqand shahridagi Hazrati Hizr majmuasida mamlakat birinchi prezidenti Islom Karimov xotirasiga ehtirom ko‘rsatildi.

Foto: Prezident matbuot xizmati

Davlat rahbari Shavkat Mirziyoyev Samarqand shahridagi Hazrati Hizr majmuasida bo‘lib, O‘zbekiston birinchi prezidenti Islom Karimov maqbarasini ziyorat qildi.

Ziyorat chog‘ida Qur’on oyatlari tilovat qilinib, duo o‘qildi.

Ta’kidlanganidek, bugungi ayyom kunlarida ulug‘ ajdodlar va bu dunyodan o‘tganlarni yod etish, ularning ezgu amallarini eslash xalqqa xos ezgu qadriyatlardan biri hisoblanadi.

Ziyorat so‘ngida yurt tinchligi, xalq farovonligi uchun duo qilindi.