Buyuk Britaniya hukumati Eronga yangi elchisini tayinladi. Bu haqda Reuters xabar berdi.
Qayd etilishicha, muqaddam Qatar va Yamanda ishlagan diplomat Nikolas Hopton endilikda Buyuk Britaniyaning Erondagi elchisi hisoblanadi.
2015 yilning avgustida Eron Londondagi elchixonasini qaytadan ochgandi. Ko‘p o‘tmay Buyuk Britaniya ham Tehron bilan diplomatik aloqalarni tikladi.
2011 yili namoyishchilar Tehronda G‘arb sanksiyalariga munosabat sifatida Buyuk Britaniya elchixonasiga hujum qilishgandi. Natijada Buyuk Britaniyaning Tehrondagi, Eronning Londondagi elchixonasi yopilgandi.
