Olland AQShning 11 sentabr voqealaridan keyin Iroqqa kirganini qoraladi

Fransiya prezidenti Fransua Olland feysbukdagi sahifasida 2001 yilning 11 sentabridagi fojia oqibatida qurbon bo‘lganlar uchun hamdardlik bildira turib, AQSh prezidenti ma'muriyatining o‘sha voqeadan keyin Iroqda olib borgan harakatlarini qoralab o‘tdi.

"Bu hujumga javoban amerikaliklar ma'muriyati qo‘llagan chora-tadbirlar, xatarni kamaytirish o‘rniga uning ko‘lamini kengaytirdi. Xususan, Iroqda", deya yozgan u.

U shuningdek, Fransiya Iroqqa qo‘shinlar kiritilishiga qarshi bo‘lgani, lekin baribir «bu harakatlar oqibatida yuzaga kelgan xaos qurboni»ga aylangani haqida qo‘shimcha qilgan.