Oq uy: Obama Saudiya Arabistoniga qarshi qonunga veto qo‘yadi

AQSh prezidenti Barak Obama mamlakat Kongressining ikkita palatasi tomonidan qabul qilingan qonun ijrosiga veto qo‘yishi mumkin. U, 11 sentabr fojiasi qurbonlarining yaqinlariga Saudiya Arabistoniga qarshi tovon puli talab qilish maqsadida ariza topshirish imkonini beradi, deb xabar qilmoqda Reuters agentligi.

Bu haqda, Oq uy ma'muriyati vakili Josh Ernest matbuot anjumanida ma'lum qilgan. 

«Boshqa mamlakatlar ushbu qonundan foydalangan holda Amerika diplomatlari yoki hatto Amerika kompaniyalariga qarshi butun dunyoda mahkama jarayonlarini boshlashi mumkinligini tasavvur qilish qiyin emas», — degan Ernst. 

Ernest shuningdek, «mazkur qonun imzo qo‘yish uchun olib kirilganda» Obama unga veto qo‘yishi mumkinligini taxmin qilgan.