O‘zbekiston va Tailand qirolligi o‘rtasida turizm sohasidagi hamkorlik shartnomasi imzolanadi

2016 yilning 5-7 oktabr kunlari Tailand qirolligining turizm va sport vaziri Kopkran Vatanavrankul xonim O‘zbekistonga tashrif buyuradi.

"O‘zbekturizm" matbuot-xizmati xabariga ko‘ra, Kopkran xonimning tashrifi davomida O‘zbekiston respublikasi hukumati va Tailand qirolligi o‘rtasida turizm sohasida hamkorlik dasturi imzolanishi kutilmoqda.

Vazir tashrifi davomida "O‘zekspomarkaz" ko‘rgazmalar majmuasida o‘tkazilayotgan Toshkent xalqaro sayyohlik ko‘rgazmasi faoliyatida ishtirok etadi.

"Tailand qirolligi 2016 yilgi Toshkent xalqaro sayyyohlik yarmarkasida qatnashayotgan hamkor-davlat hisoblanadi", deyilgan xabarda.