Apple qog‘oz paket ishlab chiqaradi

Apple egiluvchan oddiy qog‘oz paket uchun patent oldi.

Patent olish uchun ariza 2016 yilning martida topshirilgandi.

Apple kompaniyasidagilar bu ixtironi oddiy "sumka" deb atashgan. Unda batareykaga yoki Bluetooth’ga ulangan allaqanday yuqori texnologiyali qurilmalar yo‘q.

"Qog‘oz paket xususiyatlarini ma'lum qilamiz. Uning tarkibi kamida 60 foizga qayta ishlangan materiallardan tayyorlangan", deyilgan bayonotda.

Buyumning ushlagichi qog‘oz tolalardan ishlangan.

Mualliflar hozirgi odatiy qog‘oz paketlarda qayta ishlangan materiallar miqdori 50 foizdan kam bo‘lishiga e'tibor qaratishgan va bu borada Apple nisbatan ustunroqligini ta'kidlashgan.