Avstraliyada sigir juda pastlab uchayotgan vertolyotni qulatdi

Avstraliyaning Kvinslend shtatida sigir Robinson R22 vertolyoti bilan to‘qnashdi. Bu haqda Brisbane Times xabar bergan.

Bu hodisa Koen shahri janubida ro‘y bergan.

Nashr ma'lumotiga ko‘ra, ikki o‘rinli vertolyot yerga juda pastlab uchayotgandi va sigirlardan birining shoxi unga ilinib qolgan. Uchuvchi jonivorni xalos qilishga urinib, boshqaruvni yo‘qotgan.

Vertolyot yerga qulagan va yonib ketgan.

Shtat politsiyasi bu hodisa bo‘yicha tekshiruv o‘tkazgan.

Xabarda yozilishicha, bu hodisadan sigir ham uchuvchi ham omon qolgan.

Avstraliyada Robinson R22 kabi kichik vertolyotlardan foydalanishadi. Bu vertolyotlar juda pastlab ucha oladi va shu orqali sigirlar podalarini nazorat qilish qulay.