OAV: Afg‘oniston xavfsizlik kuchlari tolibonlarning qamoqxonasini qo‘lga oldi

Afg‘oniston maxsus xavfsizlik kuchlarining bo‘limlaridan biri Gilmend provinsiyasida joylashgan “Tolibon” jangarilariga taalluqli bo‘lgan qamoqxonani qo‘lga olishdi va u yerdan 101 kishini ozod qilishdi. Bu haqda “Sinxua” agentligi xabar bermoqda.

"26 sentabr kuni maxsus bo‘limning askarlari “Tolibon” harakatining Marja tumanida joylashgan qamoqxonasiga hujum qilishdi va u yerdan 101 kishini ozod etishdi. Ular ichida mamlakat xavfsizlik kuchlari vakillari va oddiy fuqarolar bor", - deb mahalliy hokimiyat vakili Umar Zavak so‘zlaridan iqtibos keltirmoqda agentlik.

Xavfsizlik kuchlari talofati haqida ma'lumotlar keltirilmagan. “Tolibon” jangarilari voqea yuzasidan izoh berishmagan, deb xabar beradi agentlik.