Galaxy Note 7 egasi yangi partiyadagi smartfon portlaganini ma'lum qildi

Xay Rendzi ismli xitoylik Samsung Galaxy Note 7 smartfonini xarid qilgach, bir kundan so‘ng portlab ketganini ma'lum qildi, deb yozmoqda Bloomberg.

Foydalanuvchi smartfonni JD.com onlayn-do‘konidan xarid qilgan.

Rendzining ikki barmog‘i, shuningdek, Macbook noutbuki ham kuygan.

Samsung smartfonni olish uchun jabrlanuvchi bilan bog‘landi, biroq Rendzi kompaniya ishonmasligini ro‘kach qilib, ularga rad javobini bergan. Xitoylik portlashning sababini o‘zi aniqlab, natijalarni ma'lum qilmoqchi.

Avvalroq Galaxy Note 7 smartfonini almashtirgan foydalanuvchi akkumulyator borasida muammolar borligini ma'lum qilgan edi.