Qirg‘iziston prezidentiga qanday tashxis qo‘yilgani oydinlashdi

Qirg‘iziston prezidenti Almazbek Atambayev Moskvadagi markaziy klinik shifoxonadan shu hafta oxirigacha chiqishi mumkin. Davlat rahbari saytida ma'lum qilinishicha, prezidentning sog‘lig‘i bilan bog‘liq muammo - yurak faoliyatidagi buzilish tuzatilgan.

"Yurak aritmiyasini bartaraf etish maqsadida Rossiya Tibbiyot Fanlari Akademiyasi (RAMN) professori Amiran Revishvili jalb qilindi. Ayni vaqtda yurak urishi faoliyatining buzilishi bilan bog‘liq muammolar to‘laligicha bartaraf etilgan", — deb yozgan o‘zining ijtimoiy tarmoqdagi sahifasida Almazbek Atambayevning matbuot kotibi Almaz Usenov.

Bundan oldinroq, Almazbek Atambayev Rossiya tomoni davolanishni davom ettirishi uchun Moskvaga taklif qilgani haqida xabar berilgandi.