8 yoshli maktab o‘quvchisi qo‘ziqorin iste'mol qilishi natijasida hayotdan ko‘z yumdi

Mixaylovka shahrida (Volgograd viloyatida) zaharli qo‘ziqorinlarni iste'mol qilgan 8 yoshli qizcha hayotdan ko‘z yumdi. Bu haqida Volgograd viloyati tergov bo‘limining saytida xabar berildi. 

Unga ko‘ra, bir hafta ilgari 8 yoshli maktab o‘quvchisi ota-onasi bilan birga Moskvaga borgan, ular qaytishda Tambov viloyatida to‘xtashgan. Oila a'zolari yo‘l bo‘yidagi o‘rmon chizig‘ida qo‘ziqorin terishgan. Uyga kelishganidan so‘ng qizning otasi mahalliy bozordan ham qo‘ziqorin xarid qilgan. 

"Qo‘ziqorinli taomni iste'mol qilgan oila a'zolari bir necha soat o‘tgach, o‘zlarini yomon his qila boshlashgan. Ular 24 sentabr kuni taxminan soat 5larda shifoxonaga yetkazilgan. Qizning ahvoli shifokorlar tomonidan o‘ta og‘ir, deya baholangan. Shifokorlar bir necha kun uning hayotini saqlab qolish uchun kurashishdi. Biroq qiz hayotdan ko‘z yumdi", - deyildi idorada.