Saddam Husayn armiyasining sobiq generali IShIDning yangi “harbiy vazir”iga aylandi

Foto: Global Look Press via ZUMA Press

Iroq armiyasi tarkibidagi maxsus qo‘shin sobiq qo‘mondoni Yosin al Muadxidiy IShID terrorchilik guruhining yangi harbiy yetakchisiga aylandi. Bu haqda Eronning Fars axborot agentligi xabar bermoqda.

Abu Taxo laqabi bilan mashhur Yosin al Muadxidiy bundan besh yil muqaddam IShIDga sadoqat bildirgan va terrorchilik guruhida bosh qo‘mondonlardan biriga aylangan.

IShIDning avvalgi “harbiy vaziri” Abu Umar ash-Shishaniy joriy yilning iyul oyida AQSh tomonidan Sharkat shahriga uyushtirilgan havo zarbasi oqibatida halok bo‘lgan edi.

#IShID #Yosin al Muadxidiy

Kun.uz yangiliklarini Google News'da kuzating

+ Obuna bo'lish