Fransiyada erkak pasportga kulimsirab suratga tushish huquqi berilishi uchun kurashmoqda

Fransiyada 40 yoshli erkak pasportga kulimsirab suratga tushish huquqi berilishi uchun kurashmoqda, deb xabar bermoqda Sky News.

Ta'kidlanishicha, erkak davlatni "o‘z hokimiyatini suiiste'mol qilishda" aybladi. Erkakka Mona Liza kabi jilmayib tushgan suratni pasportda ishlatish taqiqlandi. Uning suratdagi yuz ifodasi "biroz miyig‘ida kulishdek" baholangan.

Erkak hukumatning bu qarori ustidan sudga shikoyat bergan. Uning aytishicha, Fransiyada odamlarga pasportga jilmayib tushishni taqiqlovchi qonunni bekor qilish kerak.

Nashrning ta'kidlashicha, Fransiyada qoidaga ko‘ra, odam pasportga suratga tushayotganda kulmasligi va betaraf yuz ifodasiga ega bo‘lishi kerak.